Boa-boa

Ditulis ku Ganjar Kurnia

Kuhoyong sajadah
janten "alketip ngapung"
jajap waruga
deuheus Salira
ka Sidratul Muntaha

Raga madep Baetullah
Kalimah takbir di ucap
babacaan ngagerendeng
maca ayat ditarikkeun
ditutup ku aweuh salam
tapi,
emutan
angger ngalalana
kamamana-kamamana

Gusti,
Rakaat demi rakaat
nu diadegkeun
to`at dawuh Isro Miraj
boa - boa
ngan saukur dianggap:
olah raga
ku Salira

boa-boa
boa-boa

Paris 19 September 2006

http://kamayangan.blogspot.com
Dikutip ti urangsunda.net