Sataun Jeprut

Sora bedil lodong nu ngabeledag neumbag jajantung
muncratkeun daki-daki kalaipan
ngabudahkeun cimata mendet ngabanjiran diri
tilelep -- laput
ka tungtung buuk

aleu-aleu sora walilat
kawas ngaléléwé:

unggal lebaran
cimata deui
cimata deui

ti lebaran ka lebaran
nyolédat deui
nyolédat deui

kertas kapitrahan
nu diilo dibulak-balik salila ied
belewuk pinuh kokotor

lapar puasa
ditambah ibadah (nu belang betong)
teu ngabual
hutang dosa sataun jeput

sataun deui
jeprut!

http://kamayangan.blogspot.com
Dikutip ti urangsunda.net