Urang téh nuju ngantosan
Réngséna sandiwara
Anu lalakonna diserat
Di loh mahfud
Mangsa sakeclak getih ngajanten daging:
Ditiup roh hirup - kahirupan
Ulang taun:
babak-babak liliwatan
saméméh bugang
dijajap kana liang panganjrekan anyar:
pajaratan
Sanajan
Hiliwir rampé jeung samboja
beuki atra
tanda lalakon téréh anjog kana
tutup lawang sigotaka
para pamaén anteng
kawas teu engeuh
yén
sandiwara téréh lekasan
Mangsa layar panggung
ditutup lalaunan
Kecap tahlil
Mirig cekleuk panungtungan, jeung
gaur ceurik pipisahan
Kasalahan-kasalahan ngalalakon
Salila sandiwara dunya lumangsung
Mo bisa dibalikan
(Tos aya sérén sumérén padamelan
Ti Rokib – Atid ka Munkar – Nakir)
Urang téh nuju ngantosan!
Dikutip ti urangsunda.net
Tidak ada komentar:
Posting Komentar